İlk əvvala xalçanı seçərkən onun hansı sapdan, ilmələrin sıxlığı, rəng uyğunluğu, naxışların gözəlliyinə diqqət yetirmək lazımdır. Bu Sizə xalçanı əldə etməkdən qabaq təsuratlarınızı artıracaq.

Digər sual: hansı xalça – xovlu və yaxud xovsuzdur? Bu zaman onu satıcıdan soruşmağı unutmayın.

Almamışdan qabaq xalçanın qalınlığına diqqət yetirməli.

Yaşı 100 ildən artıq olan xalça antikvar sayılır.

Bahalı xalçanı ölkə hüdudlarından kənara çıxartmaq üçün serifikat lazımdır. Bunu satan şəxs təmin etməlidir.

Ipək xalçalar yüngül olmalı və adi tərpətməklə öz rəngini cuzi dəyişməlidir.

Sizin üçün sərfəli olar ki, xalçanı əldə etmək üçün istehsal olunan emalatxanalardan və yaxud fabrikdən alasınız. Çünki, mağazadan alacağınızdan ucuz (bəzən 3–5 dəfə) fərq edər.

Əl xalçaları bədii və texniki xüsusiyyətlərinə görə qiymətləndirilir. Bədii xüsusiyyətləri onun naxışlarının qəlizliyi, ornamentlərinin çoxluğu, nəbati və həndəsi elementlərindədir.

Texniki xüsusiyyətləri materialın keyfiyyəti və xalçanın sıxlığı ilə ölçülür. Hər 1 dm.-də nə qədər çox ilmə varsa xalça o qədər də sıxdır. Bəzən ilmələrin sayı 1 dm.–də 35–dən 80-ə kimi olur.

Seçiminiz zövqlü olsun. Hörmətlə P. Kazımov